O Magosto: tempo de castañas, tempo de festa: tempo de natureza.

Mosteiro de Monfero: unha visita imprescindible.

Pensemos nun lugar de gran beleza, onde a natureza e o home están en total  sintonía, pois seguramente alí poderiamos atopar un mosteiro . Iso é o que acontece en Monfero, que conta cunha das xoias patrimoniais da nosa Comunidade: o “Mosteiro de Monfero”.

Coñecelo e o primeiro paso para valóralo, ao tempo que valoramos a nosa  identidade cultural.

Este é o principal obxectivo da primeira saída do novo curso escolar. O alumnado de 2º e 3º ciclo de educación primaria gozaron del e da súa fermosa e triste historia (dado que na actualidade ten perdido moito do seu esplendor) grazas a visita guiada organizada en colaboración co Concello (o cal agradecemos a súa colaboración).

Con ela puidemos trasladarnos 500 anos atrás e imaxinarnos unha vida sen comodidades, de moito traballo e esforzo colectivo. Igualmente comprendemos que a nosa paisaxe non é algo inalterable, que cambia co transcorrer dos anos influenciada polos usos e costumes dos homes e mulleres que nela conviven e que resulta imprescindible tomar conciencia do uso que dela facemos.

Si queredes podedes visualizar este vídeo de GALICIAMAXICA.EU e recordar esta estupenda visita.

 

Samaín 2012

Chega o Samaín e con el calacús, máxicas historias e moita diversión. Como sempre todos xuntos ímolo celebrar. Gústanche as nosas cabazas?

Moitas grazas as familias pola súa colaboración.

Premios Cooperativismo no ensino 2012

O pasado luns, 11 de xuño de 2012 comunicóusenos que a clase de 1º curso de Ed. Primaria foi galardoada no certame “Cooperativismo no ensino 2012”, organizado polo Consello Galego de Cooperativas dependente da Consellería de Traballo e Benestar, co primeiro premio da modalidade de alumnos/as de 1.º e 2.º de educación primaria.

Neste certame valóranse as iniciativas que potencien e propicien os valores e principios que inspiran o cooperativismo, tales como a solidariedade, o espírito democrático, a participación, a actuación colectiva ou a solución de conflitos , de forma pactada.

A experiencia que nos presentamos amosa o traballo da nosa aula ao longo do curso. Nela inclúense actividades coma a edición da nosa revista (onde as apartacións das familias foron fundamentais), os talleres de educación en valores, o traballo na aula e na casa con bibliografía especifica en materia de comprensión social e valoración da diferenza e a nosa colaboración e participación activa no proxecto Monfero Solidario.

Open publication - Free publishing - More arte

Open publication - Free publishing - More cooperacion

Co gallo deste recoñecemento participamos nas celebracións do día do cooperativismo en Galicia. Foi o día 7 de xullo, no Pazo de Congresos e Exposicións de Santiago de Compostela, no que nun día repleto de actividades fíxose entrega dos diferentes galardóns.

Foi unha experiencia inesquecible, da que participamos familias, alumnado e profesorado.

Se queredes ver máis información, imaxes e vídeos desta actividade podedes picar no seguinte enlace:

http://www.cooperativas2012.coop/gl/diacooperativismo.asp

Calacús 2011

Grazas familias, sodes estupendas!

Menudas cabazas!

Samaín

Coñeces a tradición do Samaín? Neste blogue de Vieiros tes un montón de curiosidades.

Mosteiro de Monfero

http://www.galiciamaxica.eu